情人節的反思

上星期二岩岩好就係情人節，原來話咁快就已經一星期了，大家係咪仲沉醉o係同男/女朋友拍拖、食飯、行街、錫錫既甜蜜回憶入面呢？

但大家又有冇反思過情人節既價值觀、意義之類既問題呢？

以上張圖講左好重要既兩個問題。
第一個係朱古力問題。冇錯，你整手親朱古力呀、蛋糕呀係好有心思，但係你地又有冇諗過你送禮既對象係咪鐘意食朱古力呢？就算鐘意食朱古力，佢係咪鐘意食o個隻味先？而如果某位男士見到佢自己心儀既女仔送朱古力俾另一個男仔，你話佢睇到會幾咁心酸呀？
又或者一個男仔完全冇收到朱古力，你話佢會有幾hunt呀？

第二個問題係抹殺左情人節既節日意義囉。而家個情況係已經定型左情人節=朱古力節咁樣，成街個個都拎住朱古力、都食緊朱古力，o個d鋪頭、食品店最當眼都係朱古力，何等刺眼呢！
食咁多朱古力做咩呀，咁肥！！

另外，就係送花既問題啦。
冇錯，玫瑰係代表愛情，你送玫瑰花俾女仔係代表係愛佢，但唔代表越大束、越靚、越貴就係越愛佢，洗咁多錢黎買束花做咩呀？
如果最後都係要丟棄，咁送花既意義何在？

花，只是形式既o野黎架姐，一切都係浮雲，過眼雲煙。
不如用買花的錢黎做善事好過啦。

再者，就係情人節晚餐啦。
其實我覺得洗千幾二千蚊食餐懶浪漫既燭光晚餐真係好無謂囉。食完之後有乜得著呢？有咩意義呢？
其實，兩個人一齊有心又開心既話，日日都係情人節啦，在情人節之前或之後食飯豈不更好？一來又唔洗咁貴，二來又唔洗同人逼，何樂而不為？
都係個句，形式黎架姐。

毋須太執著於此等形式化的東西。